Proclamatie prins Melvin

 

In kirkrao bin ig gebaore en in Sanderbout opgegruijd.

Ben zelf chauffeur net es miene pap, Es automateriale bezörger bréng ig de ongerdele nao de geraasjes in Zitterd en omgaeving zodat eur auto’s veilige kilmaetters kenne maake.

Wie ig 8 jaor waar waor miene opa Bram , prins van’t koelköppe riek, prins Bram I.

Dat vong ig zo fein es kleine sjnaak.

In 2005 waor miene pa, prins van ’t koelköppe riek, prins Lei II

Ig leip altied veurop in de polonaise, toen wis ig ’t zeker , dat ig eine keer prins wou waere in ’t koelköpperiek.

Ig moosj allein ’t richtige tiedsjtip aafwachte.

 

En noe is ’t moment aangebraoke dat ig hie veur ich sjtao es prins Melvin II van t koelköpperiek.

Es prins wurd miene druim waor en gaon ig veurop in de vastelaovend.

Ig wil mien mam, pap, zöster Soraya en Kevin bedanke dat ig dees kans krieg.

Ig houp mit de sjteun van de blauwe 11, roze 11 en alle koelköpkes en koelköp, d’r weier eine sjoone vastelaovend van te mauke hier in ’t koelköpperiek.

Koelköpkes veer gaon drie daag raoze, en de vastelaovend op blaoze.

 

Koelköpkes en koelköp alaaf.

 

Prins Melvin II

 

 Copyright © 1963-2019 Stichting Wijkblad Sittard Tussen de Rails. All Rights Reserved.